VOV4.Êđê - Djăp alŭ wăl hlăm čar Daknông dôk pral čiăng bi leh tlŏ aruăt tal 3 vaccine gang mkhư̆ klei ruă tưp Covid 19 kơ phung ƀuôn sang, lehanăn tĭng srăng bi leh hlăm mlan 3 anei mtam. Yap truh kơ tlam mbrue (9/3), kluôm čar Daknông mâo tlŏ leh êbeh 1 êklăk 220 êklăk aruăt vaccine kơ hđeh mơ̆ng 12 thŭn kơ dlông. Hŏng aruăt vaccine tal 3, čar mâo tlŏ leh truh 90%, ênoh mnuih êbeh 50 thŭn toh hroh ai ktang dưi kdơ̆ng hŏng klei ruă, mnuih tlŏ leh vaccine Vero Cell, lehanăn mnuih tlŏ leh aruăt lŏ mñă truh 1/3 ênoh mnuih mơ̆ng 18 thŭn kơ dlông. Knơ̆ng bruă mdrao mgŭn čar Daknông brei thâo tơdah mâo djăp vaccine mơ̆ng phŭn bruă mdrao mgŭn mkăp, snăn čar ktưn srăng bi leh tlŏ aruăt tal 3 hlăm mlan anei mtam, lehanăn tlŏ kơ êbeh 94 êbâo čô hđeh mơ̆ng 5 – 11 thŭn. Truh aguah mbrue, kluôm čar Daknông mâo truh 24 êbâo 526 mnuih djŏ covid, lu jing mdrao hlao leh sơăi, hlăm anăn mâo 43 čô mnuih djiê./.

Y-Khem pô mblang