Anôk bruă ktuê dlăng klei ruă tưp čar Dak Lak, yap mơ̆ng mlan 6 truh hruê 29/9, kluôm čar mâo 33.120 čô ruă ală hrah, lu jing hđeh sang hră. Bruă mdrao mgŭn čar Dak lak dôk gĭr pŏk ngă dŭm hdră msir čiăng gang mkhư̆ klei ruă tưp lar.  Hlăm ênoh êbeh 30 êbâo čô ruă ală hrah snăn mâo êbeh 29 êbâo čô hlăm sang hră. 3 kdriêk mâo ênoh mnuih ruă lu hĭn jing Ƀuôn Đon, Čư̆ Kuin leh anăn Čư̆ M’Gar, ti hnơ̆ng 2000 čô.

Ti anăp klei ruă ală hrah dôk tưp lar pral ti čar, boh nik hlăm gưl thŭn hđeh sang hră, Knơ̆ng bruă mdrao mgŭn čar Dak Lak bi hgŭm hŏng dŭm anôk bruă djŏ tuôm mđĭ bruă ksiêm dlăng, bi ktlah hjăn leh anăn knhuah gru kơ dŭm hdră gang mkhư̆ ti sang hră  leh anăn êpul êya. Mbĭt anăn, dŭm anôk bruă mdrao mgŭn pral mkăp êa drao čiăng hmao mkăp kơ phung ruă leh anăn tŭ jum, mdrao mgŭn kơ phung ruă.