VOV4.Êđê - Tlam mbrue (6/9), êpul ngă bruă mơ̆ng phŭn bruă mdrao mgŭn mâo k’iăng khua phŭn bruă Đỗ Xuân Tuyên ngă khua êpul mâo leh mmông ngă bruă hŏng knơ̆ng bruă sang čư̆ êa čar Daknông kơ klei mđĭ kyar bruă mkra mjing êa drao hlue knhuah djuê ana, lehanăn hdră rŭ mdơ̆ng anôk bruă mdrao mgŭn nah gŭ mơ̆ng prăk ODA.

Ti anôk mă bruă, k’iăng khua Phŭn bruă Đỗ Xuân Tuyên mtă kơ čar Daknông mđĭ mjuăt bi hriăm mnuih ngă bruă êa drao gŭn hlue knhuah djuê ana, bi kjăp Êpul Gơ̆ng bruă mdrao mgŭn hlue knhuah djuê ana, bi mguôp hŏng dŭm sang êa drao kdriêk, pla mjing ana êa drao hlăm djăp sang êa drao să, lehanăn pral čuăl mkă ênha pla mjing ana êa drao, boh nik hlăm gŭ êyui kmrơ̆ng, iêo jak klei duh bi liê kơ bruă pla mjing ana êa drao, bi mguôp hŏng bruă hiu čhưn ênguê. Djŏ tuôm hŏng klei tlŏ vaccine gang mkhư̆ klei ruă tưp Covid 19, k’iăng khua phŭn bruă gĭt gai leh kơ čar bi pral tlŏ mgang bi ênŭm. Lehanăn mâo bruă blei mprăp kdrăp mdrao mgŭn, êa drao gŭn. K’iăng khua phŭn bruă mtă kơ čar Daknông lŏ ksiêm wĭt jih jang hdră mtrŭn mâo hdră êlan ruh mgaih jih klei dleh dlan, klei gun kpăk, bi mlih hĕ ya mta bruă ka djŏ guôp./.

Y-Khem pô mblang