Êpul phung aê mdrao mda asei čar Dak Lak ară anei mâo 16 êpul bruă nah gŭ hŏng giăm 1 êbâo čô hgŭm jing phung nai aê mdrao mda asei dôk mă bruă ti dŭm sang êa drao, anôk bruă mdrao mgŭn mơ̆ng gưl kdriêk truh kơ gưl čar lehanăn sang êa drao êngao knŭk kna hlăm čar.

5 thŭn êgao, dŭm gưl êpul mâo leh lu bruă ngă ba anăp kyua klei suaih pral êpul êya msĕ si: Mkŏ mjing 120 gưl ksiêm mkă dlăng, đru kčĕ klei suaih pral, mbha êa drao amâo mă prăk kơ 86 êbâo čô hŏng ênoh êbeh 4,2 êklai prăk, mjuăt bi hriăm hdră đru dŏng mdrao mjêč kơ dŭm êbâo čô nai mtô ti dŭm sang hră gưl hđeh điêt, gưl sa hlăm kluôm čar. Hlăm wưng păn bruă mrâo, Êpul phung aê mdrao mda asei čar lŏ dơ̆ng mđĭ lar bruă klam lehanăn klei thâo mơ̆ng êpul hluê hdră tui hriăm, mđĭ klei thâo lehanăn mtrŭt mđĭ hdră ngă bruă kyua klei suaih pral êpul êya./.