Aguah 11/1, adei Siu N (k’kiêng thŭn 2013) ti ƀuôn Tào Roong, să Ia Pal, kdriêk Čư̆ Sê mkra ƀơ̆ng kđeh čĭm drŏk mbĭt hŏng 2 čô adei ñu jing Siu H, k’kiêng thŭn 2020 leh anăn Siu T, k’kiêng thŭn 2018. Truh kơ 11 mmông krah hlăm hruê, phung hlăm sang ƀuh diñu djiê huăt hlăm sang, eh mơiêk amâo dưi ksiêm dlăng, kyuanăn ba nao mdrao ti Anôk bruă mdrao mgŭn kdriêk Cư̆ Sê dŏng mdrao.

Truh ti sang êa drao 12 mmông hlăm hruê, adei Siu N amâo lŏ ƀuh êwa, êrah amâo mâo êran leh anăn hlŏng djiê êdei kơnăn leh anăn mâo phung hlăm sang ba wĭt. Adei Siu H dôk hlăm klei kmlư, kbhoh ƀăng êgei, kboh hmar, aruăt amâo mâo êrah, đăo knăl ƀơ̆ng djŏ mta ruă mơ̆ng drŏk hŏng klei kjham. Ti êlan nao sang êa drao gưl nah dlông, Siu H djiê. Adei Siu T dưi đăo knăl djŏ mta bruă mơ̆ng drŏk hnơ̆ng man dưn, ară anei dôk dŏng mdrao ti Anôk mdrao krŭ wĭt ai ktang, sang êa drao mdrao kơ hđeh čar Gia Lai.