Pô djiê anei jing amai Siu Ka (kkiêng thŭn 1991, dôk jưh ti alŭ Phăm Kleo Ngol, să Bar Măih, kdriêk Čư̆ Sê).  Hlue si phung hlăm sang, sui hŏng anei hlăm brô 1 mlan, amai K dôk nao kơ bruă mơ̆ng alŭ Phăm Klăh (să Bar Măih) wĭt kơ sang snăn mâo sa drei asâo arăng phưi hlăm êlan kĕ ti jơ̆ng điâo êka êlam, kbiă êrah lu. Phung hlăm sang ba ñu ti anôk mdrao mgŭn êngao knŭk kna ti să Bờ Ngoong (kdriêk Čư̆ Sê) čiăng msir mgaih anôk êka leh anăn dưi tlŏ 1 aruăt (amâo klă ôh ya mta).

Leh anăn mnuih ruă hmư̆ klei kčĕ nao tlŏ mgang klei ruă asâo miêo khŏ kĕ ƀiădah amâo ngă ôh. Aguah 10/12, gŏ sang ba ñu nao ksiêm mkă ti Anôk dŏng mdrao, Sang êa drao prŏng čar leh anăn dưi ksiêm mkă jing klei ruă asâo miêo khŏ kĕ. Hruê 11/12, mnuih ruă tuč ai ti sang./.