Hlăm thŭn 2021 – 2022, 23 anôk bruă mdrao mgŭn knŭk kna dưi mkăp 758 mta êa drao, hŏng ênoh prăk êbeh 646 êklai prăk, ƀiădah knŏng mrâo hluê ngă 66%. Ară anei, dŭm anôk bruă mdrao mgŭn knŭk kna ti Gia Lai dôk kƀah dŭm mta êa drao. Hdră čŏng pô mkăp ngăn prăk ti anôk bruă mdrao mgŭn Gia Lai dôk tuôm hŏng lu klei lông dlăng. Bruă hrui amâo djăp tĭng tla dôk ngă kơ anôk bruă êmưt tla prăk mlan, hmăi truh kơ hdră mdrao mgŭn.

Gĭt gai Klei kƀĭn, aduôn Nguyễn Thị Thanh Lịch – K’iăng khua Anôk bruă sang čư̆ êa čar Gia Lai gĭt gai Knơ̆ng bruă mdrao mgŭn, bi hgŭm hŏng Ênua yang ƀuôn lehanăn Knơ̆ng bruă ngăn prăk đru kčĕ, mâo hdră mkăp prăk êlâo čiăng msir mghaih klei kơ prăk mlan lehanăn rơ̆ng mâo djăp mnơ̆ng yua hlăm bruă mdrao mgŭn, mbĭt anăn mtă kơ phung khua anôk bruă mdrao mgŭn mđĭ klei đua klam, ngă bruă tŭ dưn./.