VOV4.Êđê- Mbĭt hŏng dŭm čar hlăm krĭng Lăn dap kngư, klei ruă êngoh bi ƀlĕ êrah ti Gia Lai dôk mâo dleh dưi ksiêm dlăng. Ti anăp klei anei, anôk bruă mdrao mgŭn mơ̆ng čar pŏk leh lu hdră msir kñăm gang mkhư̆ lehanăn mdrơ̆ng hŏng klei ruă. Ară anei, klei ruă êngoh bi mƀlĕ êrah dôk bluh mâo lu ti 16/17 kdriêk, wăl krah lehanăn ƀuôn prŏng mơ̆ng čar Gia Lai hŏng 308 čô ruă, đĭ 57% mkă hŏng wưng anei thŭn êlâo.

Dŭm kdriêk mâo ênoh mnuih ruă lu jing: Ia Grai, Ia Pa, Čư̆ Prŏng, Krông Pa, Čư̆ Pưh, Pleiku, Đăk Đoa hŏng 112 anôk bluh mâo klei ruă. Đinh Hà Nam, K’iăng khua knơ̆ng bruă mdrao mgŭn čar Gia Lai brei thâo, klei ruă êngoh bi ƀlĕ êrah huĭ srăng mâo dleh dưi ksiêm dlăng hlăm wưng ti anăp, anôk bruă mdrao mgŭn alŭ wăl dôk mtrŭt mđĭ hdră mdjiê kêč ƀloh ti dŭm krĭng dôk mâo klei ruă, mkŏ mjing jăk hdră dŏng mdrao mnuih ruă kñăm bi hrŏ tuič hnơ̆ng ênoh mnuih ruă êngoh bi ƀlĕ êrah hlăm êpul êya yang ƀuôn./.

                                                    Pô mblang: H’Nêč Êñuôl