VOV4.Êđê- Hlăm sa mlan êgao, klei ruă êngoh bi ƀlĕ êrah hlăm čar Gialai dleh dưi ksiêm dlăng, ênoh mnuih ruă đĭ lu. Tui si anôk bruă kiă kriê klei ruă duam čar Gialai, ênoh mnuih djŏ klei ruă anei mơ̆ng akŏ thŭn truh kơ ară anei truh 2 êbâo 821 čô hlăm anăn mâo sa čô mnuih djiê. Klei ruă êngoh bi ƀlĕ êrah mâo 131 hlăm ênoh 220 boh să, ƀuôn hgŭm, wăl krah ti jih jang kdriêk, wăl krah, ƀuôn prŏng.

Knơ̆ng bruă mdroa mgŭn čar Gialai brei thâo, klei ruă tưp anei hlăk hlê dôk lêč lar dleh dưi ksiêm dlăng mơh hlăm wưng kơ anăp, boh nik hlăm mlan 8 lehanăn mlan 9. Kyuanăn, pral bi mdoh, anôk êč ƀloh kčeh mđai, bi mdjiê hluăt lŏk, jih jang mnuih bi răng mgang wăl hdĭp mda, gang mkhư̆ klei ruă tưp hlăm anôk pô dôk./.

Pô mblang: Y-Khem Niê