VOV4.Êđê - Hluê Anôk bruă ksiêm dlăng klei ruă tưp čar Gia Lai, ară anei klei ruă êngoh bi blĕ êrah bluh mâo ti jih 17 kdriêk, wăl krah, ƀuôn prŏng hŏng 2.414 čô ruă, đĭ 6 blư̆ mkă hŏng wưng anei thŭn êlâo. Knŏng mơ̆ng mlan 6 truh ară anei, Gia Lai mâo 2 čô ruă êngoh bi blĕ êrah. Dŭm kdriêk mâo mnuih ruă lu jing Ia Grai, ƀuôn prŏng Pleiku, Krông Pa, Ia Pa…   

Ăt hluê anôk bruă mdrao mgŭn Gia Lai, ênoh mnuih ruă êngoh bi blĕ êrah srăng đĭ lu truh kơ mlan 10 thŭn anei kyua wưng anei mâo hjan lu, adiê h’ăp jing klei găl kơ hluăt lŏk, kêč ƀloh đĭ lar. Kyua anăn, êngao klei gĭr mơ̆ng anôk bruă mdrao mgŭn, brei mnuih ƀuôn sang mđing hĭn kơ hdră bi mdoh wăl hdĭp mda, boh nik amâo lui ƀlŭng êa djiêu gah sang, amâo lui anôk hluăt lŏk, kêč ƀloh đĭ lar./.

            H’Nêč pô mblang