Gia Lai: Knăm mơak phung aê mdrao mda asei hlue ngă asăp Awa, ngă bruă kyua klei suaih pral êpul êya
Thứ hai, 10:58, 29/05/2023
VOV Tây Nguyên
VOV Tây Nguyên
VOV4.Êđê- Aguah 28/5, ti Knơ̆ng bruă sang čư̆ êa să Đăk Jơ Ta, kdriêk Mang Yang, čar Gia Lai, Êpul hgŭm phung êdam êra čar Gia Lai bi hgŭm hŏng Êpul hgŭm phung aê mdrao mda asei čar mkŏ mjing “Knăm mơak phung aê mdrao mda asei hlue ngă asăp Awa, ngă bruă kyua êpul êya”.
Hlăm knăm mơak, Êpul hgŭm phung êdam êra čar Gia Lai mđup brei 1.500 blah čhiăm guôm ƀô̆ kơ mnuih ƀuôn sang să Đăk Jơ Ta, kčĕ yua app kriê dlăng klei suaih pral online kơ mnuih ƀuôn sang, phung aê mdrao mơ̆ng Êpul hgŭm aê mdrao Gia Lai mkŏ mjing ksiêm mkă, mdrao mgŭn, mbha êa drao kơ giăm 300 čô mnuih ƀuôn sang mâo klei hdĭp dleh dlan.
Anei jing bruă ngă klă sĭt kkuh drông bi hdơr 133 thŭn Hruê kkiêng Khua gĭt gai Hồ Chí Minh; mđĭ lar ai tiê ba anăp, ngă bruă mơ̆ng êdam êra leh anăn phung aê mdrao mda asei, đru răng mgang, kriê dlăng leh anăn mđĭ klei suaih pral yang ƀuôn, hrăm mbĭt mguôp ai kyua klei suaih pral êpul êya./.
Viết bình luận