VOV4.Êđê- Hruê mmông êgao, ênoh mnuih mâo klei ruă tưp Covid-19 ti čar Gia Lai đĭ ktang hmar, mâo hruê truh kơ 3000 čô mnuih ruă mrâo. Khădah sơanăn, ƀiădah dah bruă mdrao mgŭn leh anăn dŭm alŭ wăl hlăm čar lŏ tuôm hŏng klei dleh dlan hlăm bruă blei kdrăp yua bruă mdrao mgŭn gang mkhư̆ klei ruă tưp Covid-19. Hluê si Nguyễn Đình Tuấn, k’iăng khua kiă kriê knơ̆ng bruă mdrao mgŭn čar Gia Lai, mơ̆ng thŭn 2022, bruă sang čư êa čar jao leh kơ dŭm anôk bruă mdrao mgŭn knŭk kna ngă bruă blei kdrăp yua bruă mdrao mgŭn gang mkhư̆ klei ruă tưp Covid-19, mâo đa đa anôk bruă amâo dưi mkăp brei ênŭm ôh mnơ̆ng yua msĕ hŏng klei kuôl kă. Lu anôk bruă mdrao mgŭn amâo dưi brei ôh kdrăp ksiêm mkă pral SARS-CoV-2 kyua ênoh čhĭ hliê lu hĭn mkă hŏng ênoh phŭn bruă mdrao mgŭn bi klă. Leh anăn hluê si Nguyễn Đình Tuấn, klei kpăk prŏng hĭn ară anei jing klei hê̆ñ blei yua, klei kpăk kơ hdră duh bi liê plah wah êpul gĭt gai bruă gang mkhư̆ klei ruă tưp hlăm alŭ wăl hŏng dŭm anôk bruă mdrao mgŭn.

Pô mblang: Y-Ƀel Êban