VOV4.Êđê- Mơ̆ng hruê 4 truh kơ hruê 7/10, ti Anôk hưn mthâo bruă mă Gia Lai, Knơ̆ng bruă Mnuih ngă bruă – kahan êka êkeh lehanăn yang ƀuôn čar bi hgŭm hŏng Sang êa drao Hoàn Mỹ Đà Nẵng mkŏ mjing hdră ksiêm mkă dlăng phung hđeh mâo klei ruă kboh mơ̆ng tian amĭ. Ti knăm anei, phung aê mdrao srăng ksiêm mkă dlăng kơ giăm 200 čô hđeh mâo klei bi êdah ruă kboh mơ̆ng tian amĭ msĕ si: Kreh mtŭk, dleh bi êwa, bi êwa pral, đah da pê hlăm lam tơdah hrip êwa, bŏk ksŏ, ruă êlan bi êwa…

Aê mdrao ksiêm mkă kơ hđeh

Hŏng phung hđeh leh blač mdrao dưi nao ksiêm dlăng klei suaih pral. Tĭng, truh jih hruê 7/10, srăng ksiêm mkă kơ hlăm brô 3 êbâo čô hđeh hlăm kluôm čar. Phung hđeh leh ksiêm dlăng mâo đru kčĕ brei nao blač mdrao, srăng dưi đru hluê hdră mtrŭn. Anei jing sa hlăm dŭm hdră bruă grăp thŭn mơ̆ng Knơ̆ng bruă Mnuih ngă bruă – kahan êka êkeh lehanăn yang ƀuôn čar Gia Lai hlăm bruă mđing dlăng kơ phung hđeh amâo myun tăm djŏ klei ruă kboh mơ̆ng tian amĭ./.

                                                    Pô mblang: H’Nêč Êñuôl