Gia Lai: Ksiêm mkă amâo mă prăk kơ hđeh mâo klei bi knăl ruă kboh mơ̆ng tian amĭ
Thứ năm, 09:57, 11/05/2023
VOV TAYNGUYEN
VOV TAYNGUYEN
VOV4.Êđê- Mkŏ mjing mơ̆ng hruê 9/5 truh jih hruê 12/5, Knơ̆ng bruă mnuih mă bruă - kahan êka êkeh leh anăn ala ƀuôn čar Gia Lai bi hgŭm hŏng Sang êa drao Hoàn Mỹ Đà Nẵng mkŏ mjing ksiêm mkă kboh amâo mă prăk kơ hđeh ti Gia Lai.
Hlăm dŭm hruê êgao, phung aê mdrao ksiêm mkă, kčĕ kơ giăm 400 čô hđeh ti Gia Lai mâo klei bi knăl ruă kboh mơ̆ng tian amĭ msĕ si: khăng mtŭk, nao ksiêm mkă lu blư̆, bi êwa pral, đah da kma êlam sĭt bi êwa, bŏk ksŏ, mâo klei ruă hlăm êlan bi êwa, hđeh mâo klei ruă kboh ka ksiêm mkă. Hŏng phung hđeh dưi bliah snăn brei lŏ nao ksiêm mkă klei suaih pral.
Mĭn tĭng, truh jih hruê 12/5, phung aê mdrao srăng ksiêm mkă kơ hlăm brô 1 êbâo čô hđeh kluôm čar. Leh phung hđeh dưi ksiêm mkă leh anăn brei bliah, srăng dưi đru ênoh bi liê hlue si hdră kčah./.
Viết bình luận