Anei jing mnuih djiê tal 4 mơ̆ng klei ruă asâo khŏ ti kdriêk anei, lehanăn jing mnuih tal 14 hlăm kluôm čar mơ̆ng akŏ thŭn truh kơ ară anei. Pô djiê mrâo anei jing adei Trần Dương Minh C (kkiêng thŭn 2017, dôk ti ƀuôn Al Gôn, să Ia Din, kdriêk Đức Cơ). Tui si mnuih hlăm sang hưn, gơ̆ mâo asâo kuač mâo 3 mlan hŏng anei, ƀiădah amâo nao tlŏ mgang ôh.

Leh thâo klei djiê kyua klei ruă khŏ mơ̆ng asâo, anôk bruă mdrao mgŭn kdriêk Đức Cơ mta leh kơ găp djuê, lehanăn mnuih hlăm sang brei thâo răng, lehanăn bi tlŏ mgang vắc xin tơdah đing mâo klei asâo miêo kĕ amâodah kuač. Hŏng 14 čô mnuih djiê mơ̆ng klei ruă anei, Gia Lai jing leh čar mâo mnuih djiê kyua klei ruă mơ̆ng asâo khŏ jing prŏng hĭn hlăm kluôm ala thŭn 2023.