
Mnuih djiê mrâo anei hĭn ti kdriêk Đăk Đoa. Klă klơ̆ng, pô djiê anei jing Thái, kkiêng thŭn 2019, ƀuôn Bok Rei, să Đak Sơ Mei, kdriêk Đak Đoa. Hluê klei hưn mơ̆ng gŏ sang mnuih djiê anei, krah mlan 9/2023, asâo ti sang kĕ Thái, leh kĕ asâo anei hlŏng đuê̆ amâo thâo bĭt anôk lehanăn kăn thâo asâo anei dôk hdĭp amâo dah djiê. Truh hruê 24/10, Thái êngoh, ruă hlăm asei mlei.
Aguah hruê 26/10, dưi ba mdrao ti Anôk bruă mdrao mgŭn kdriêk Đak Đoa leh kơnăn dưi ba dŏng mdrao mjêč ti Sang êa drao Hđeh čar Gia Lai. Hlăm brô 19h30 mnĭt hruê anăn hlŏng djiê. Ară anei, Anôk bruă mdrao mgŭn kdriêk Đak Đoa čuăl leh krĭng, msir mghaih anôk mâo klei ruă djŏ si klei kčah mtrŭn, mbĭt anăn mtô mblang kơ mnuih ƀuôn sang brei nao mtam ti anôk bruă mdrao mgŭn tlŏ mgang vaccine tơdah djŏ asâo, miêu kĕ./.
Viết bình luận