Hruê mbruê 22/9, Anôk bruă mdrao mgŭn kdriêk Krông Pa, čar Gia Lai hưn kơ sa čô djiê kyua klei ruă asâo miêo kĕ jing ĕ Ksor Kiêm (8 thŭn, mnuih djiê ana Jarai, dôk ti ƀuôn Čư̆  Krih, să Čư̆  Drăng, kdriêk Krông Pa). Gŏ sang ĕ anei brei thâo, kyua amâo mâo thâo nơ̆ng hruê asâo kĕ, kyuanăn amâo mâo ba ĕ nao tlŏ mgang vaccine. Leh hĕ mâo klei êngoh, êgah êmăn, gŏ sang čŏng blei êa drao brei mnăm ƀiădah kăn hrŏ leh.

Truh kơ hruê 12/9, ĕ dưi ba ti sang êa drao kdriêk Krông Pa hŏng klei êngoh, mtŭk, êgah êmăn. Truh kơ mmăt hruê anăn, ĕ mâo klei bi knăl ruă kjham kyuanăn sang êa drao ba bi sang êa drao prŏng mdrao kơ mniê ƀă anak leh anăn phung hđeh čar Phú Yên leh anăn dưi đăo knăl ktuê dlăng klei ruă khŏ. Hruê 15/5, ĕ dưi ba ti sang êa drao mdrao kơ phung hđeh mrô 2, ƀuôn prŏng Hồ Chí Minh. Hlăm klei ksiêm mkă, boh tŭ mâo kman klei ruă khŏ leh anăn truh kơ hruê 20/9, ĕ anei djiê. Mơ̆ng akŏ thŭn truh kơ ară anei, gang mkhư̆ mâo leh 11 čô djiê kyua klei ruă khŏ, lu hĭn ti krĭng Lăn Dăp Kngư.