VOV4.Êđê- Ară anei dŭm boh sang êa drao prŏng hlăm čar dôk bi mdrao klei ruă êngoh bi ƀlĕ êrah dôk hlăm hnơ̆ng lu mnuih ruă kyua ba hriê mơ̆ng dŭm sang êa drao gưl kdriêk. Hlăm ênoh 3 êbâo 608 čô mnuih ruă êngoh bi ƀlĕ êrah čar Gialai mâo mơ̆ng akŏ thŭn truh hrue 21/8, snăn truh 70% mnuih ruă ba đih kơ sang êa drao, hlăm anăn mâo êbeh mkrah jing mnuih ruă ba hriê mơ̆ng dŭm sang êa drao gưl kdriêk.

Ară anei sang êa drao prŏng čar, sang êa drao hđeh Gialai ksiêk leh giăm mkrah ênoh jhưng đih pioh kơ mnuih ruă êngoh bi ƀlĕ êrah. Tui si phung aê mdrao, thŭn anei kman klei ruă anei ktang hĭn, ba lu klei bi mlih amâo mâo jăk. Phung nai aê mdrao Gialai lŏ dơ̆ng tiŏ nao mnuih ngă bruă lehanăn êa drao gŭn, jhưng didh pioh mdrao mgŭn mnuih ruă./.

Pô mblang: Y-Khem Niê