VOV4.Êđê - Hruê 8/8. Lê Văn Trì - Khua Anôk bruă mdrao mgŭn kdriêk Čư̆ Prŏng, čar Gia Lai bi mklă ti kdriêk mrâo mâo sa čô mnuih djiê kyua klei ruă asâo miêu khŏ kĕ ti wăl krah Čư̆ Prŏng. Mnuih djiê jing Nguyễn Văn Trịnh (kkiêng thŭn 1970, dôk ti alŭ 6, wăl krah Čư̆ Prŏng). Trịnh mphŭn mâo klei ruă khŏ hlăm hruê 18/7 hŏng klei bi knăl huĭ kơ êa, kơ angĭn, kơ mngač mtrang leh anăn bi kñhăk. Hruê 197. Trịnh nao đih mdrao ti Sang êa drao prŏng čar Gia Lai leh anăn dưi ba mdrao ti Sang êa drao krĭng hlơr Gưl dlông leh anăn djiê leh dŭm hruê êdei anăn. 

Hlue si klei bi mklă mơ̆ng Anôk bruă ktuê dlăng klei ruă čar Gia Lai, hlăm wang 1 thŭn anei, ñu amâo tuôm mâo asâo miêu kĕ ôh. Khădah snăn, êlâo kơ mphŭn mâo klei ruă khŏ 15 hruê, ñu djă sa drei miêo djiê ti kngan ba dơr (miêu djiê ka dưi bi mklă ôh kyua klei ruă khŏ amâodah hơăi. Leh ba dơr, Trịnh amâo tlŏ ôh mta bi kdơ̆ng hŏng klei ruă khŏ leh anăn vaccin gang mkhư̆ klei ruă khŏ kyua amâo thâo ôh pô djŏ klei ruă khŏ. Anei jing mnuih djiê tal 4 kyua klei ruă asâo miêu khŏ kĕ ti čar Gia Lai yap mơ̆ng akŏ thŭn truh ară anei.

H’ Zawut pô mblang