Klei ruă dôk mâo klei bi knăl lar pral, boh nik hlăm dŭm sang hră gưl sa leh anăn gưl 2. Ară anei, dŭm sang hră ti Gia Lai dôk kƀĭn hâo hưn kơ hđeh sang hră leh anăn amĭ ama kơ hdră hang mkhư̆ klei ruă anei.

Nai prŏng, aê mdrao thơ̆ng kơ ală Vũ Phương Việt Hằng- Anôk bruă ktuê dlăng klei ruă čar Gia Lai brei thâo: klei ruă ală hrah mơ̆ng mphŭn mâo truh kơ hlao hlăm wang sa hruê kăm. Tơdah hđeh sang hră čŏng hriăm ti sang hlăm wưng anei snăn klei ruă srăng tưp lar ƀiă hĭn. Wăt tơdah klei ruă amâo đei huĭ ôh, ƀiădah phung amĭ ama ăt brei ngă djŏ klei mtă mtăn mdrao mgŭn mơ̆ng dŭm anôk bruă mdrao mgŭn.