VOV4.Êđê - Hruê 26/5, čar Gia Lai pŏk ngă bruă tlŏ vaccin Covid-19 gưl 1 kơ 39.400 čô hđeh mơ̆ng 5 truh ti gŭ 12 thŭn. Hlue si Anôk bruă ktuê dlăng klei ruă Gia Lai, klei blŭ gưl tlŏ mgang anei jing tlŏ hŏng hnơ̆ng pral, rơ̆ng tŭ dưn leh anăn êđăp ênang lu hĭn kơ hđeh. Kyua anăn, dŭm alŭ wăl iêô mkrum lu êpul knuă druh mdrao mgŭn, masin kdrăp mnơ̆ng mđing kơ bruă tlŏ mgang; kdrăp dŭm anôk bruă mdrao mgŭn, dŭm sang hră dưi mkŏ mjing anôk tlŏ. Leh ƀuôn prŏng Pleiku, mơ̆ng 28/4 truh êlâo hruê 8/5, bruă tlŏ vaccin Covid-19 kơ hđeh mơ̆ng 5 truh ti gŭ 12 thŭn srăng dưi mkŏ mjing ti 4 alŭ wăl mkăn jing kdriêk Čư̆ Sê, kdriêk Đăk Đoa, wăl krah Ayun Pa leh anăn wăl krah An Khê…

H’ Zawut pô mblang