Hluê klei hưn ti anôk bi kƀĭn, hlăm thŭn 2022, (tĭng truh hruê 30/10), kluôm čar Gia Lai mkŏ mjing 84 gưl myơr êrah, mâo tŭ mă êbeh 18 êbâo gưl myơr êrah, mâo 120% hnơ̆ng čuăn. Hlăm anăn, sang êa drao prŏng čar Gia Lai mâo êbeh 14.600 ênoh êrah lehanăn Sang êa drao kahan mâo 211 gưl myơr hŏng êbeh 3.300 ênoh êrah doh.

Mâo 416 mrô êrah dưi mkăp mjêč kơ anôk bruă mdrao mgŭn čiăng dŏng mdrao mnuih ruă. Hlăm thŭn 2023, Anôk gĭt gai hdră myơr êrah čar Gia Lai gĭr mâo êbeh 16 êbâo ênoh êrah. Mbĭt anăn, gĭr mđĭ ênoh mnuih myơr êrah mơ̆ng 95-97%; ênoh mnuih lŏ wĭt myơr êrah êbeh 75% lehanăn ênoh mnuih ƀuôn sang myơr êrah bi knar 1,1% ênoh mnuih. /.