VOV4.Êđê- Ară anei klei ruă tưp êngoh bi ƀlĕ êrah hlăk bluh đĭ ti jih jang dŭm boh kdriêk, lehanăn ƀuôn prŏng hlăm čar Gialai, mâo truh 112 anôk mâo klei ruă tưp, hŏng 306 čô mnuih ruă, đĭ leh giăm 60% mkă hŏng wưng anei thŭn dih, hlăm anăn mâo sa čô mnuih djiê. Sang êa drao hđeh Gialai brei thâo, mơ̆ng akŏ mlan 5 truh kơ ară anei.

Snăn ară anei yơh jing wưng ktang hĭn mŭt hlăm yan hjan leh mđiă ktang pluă mbĭt ngă kơ klei ruă tưp ênưih đĭ lêč kyua kêč ƀloh kčeh mđai lu. Tui si mkă tĭng ară anei jing thŭn truh wir klei ruă tưp anei bluh đĭ boh nik ti čar Gialai jing prŏng snăn. Knơ̆ng bruă mdrao mgŭn Gialai mtă leh kơ phung ƀuôn sang gĭr hĭn bi mdoh wăl hdĭp mda, ngă bruă gang mkhư̆ klei ruă tưp êngoh bi ƀlĕ êrah hŏng klei tŭ dưn./.

Pô mblang: Y-Khem Niê