Gialai: Mkă dlăng klei ruă kơ êbeh 200 čô hđeh lehanăn mnuih amâo mâo jăk asei mlei
Thứ bảy, 09:41, 17/06/2023
VOV Tây Nguyên
VOV Tây Nguyên
VOV4.Êđê- Mkŏ mjing hlăm dua hrue 15/6 - 16/6, Êpul hgŭm gru bi kal hrah čar Gia Lai, Êpul hgŭm bruă đru ba mnuih amâo mâo jăk asei mlei čar Gia Lai bi mguôp hŏng dŭm boh sang êa drao blaih mdrao klei amâo mâo jăk asei mlei Quy Nhơn (čar Bình Định) mkŏ mjing klei mkă dlăng klei ruă kơ phung hđeh lehanăn mnuih amâo mâo jăk asei mlei hlăm čar.
Hlăm dua hrue, mâo leh êbeh 200 čô hđeh amâo mâo jăk asei mlei dôk hlăm gŏ sang knap mñai, krĭng mnuih djuê ƀiă nao mkă dlăng klei ruă lehanăn mâo hdră êlan mdrao mgŭn. Phung hđeh mâo klei amâo mâo jăk asei mlei anăn mâo dŭm klei msĕ si, kwiâo k’iêng, êwiên jơ̆ng kngan, gu rŏng, amâo mâo jăk kŏ dlô.
Leh mkă dlăng snăn srăng mâo klei ktrâo atăt hdră mdrao mgŭn ti sang êa drao mdrao klei ruă anăn ti Quy Nhơn, čar Bình Định. Êjai hlăm klei dôk mdrao, mnuih ruă mâo klei lŏ đru ênoh bi liê hlăm bruă mdrao mgŭn./.
Viết bình luận