Hluê ngă hdră mtrŭn mrô 05 thŭn 2023 mơ̆ng knŭk kna, čar Kon Tum mâo 1296 čô mă bruă mdrao mgŭn dưi mkra mlih hdră êlan tla prăk mơ̆ng 40-70% jing 100%. Mmông ba yua mơ̆ng hruê 1/1/2022 – 31/12/2023 hŏng kluôm ênoh hluê ngă êbeh 68 êklai prăk.

Aê mdrao Võ Văn Thanh, khua kiă kriê Knơ̆ng bruă mdrao mgŭn čar Kon Tum brei thâo, knơ̆ng bruă mâo leh klei akâo ba 270 čô ngă bruă tĭng mkă ênoh mnuih ƀuôn sang – hdră êlan gŏ sang gưl kdriêk, gưl să leh anăn phung ngă bruă hâo hưn kơ klei suaih pral ti anôk bruă ksiêm dlăng klei ruă tưp mtŭ hlăm êpul dưi mkra mlih anăn, kyua boh sĭt phung anăn hlăm bruă gang mkhư̆ klei ruă tưp Covid-19 ăt msĕ hŏng bruă tiŏ nao hluê ngă bruă gang mkhư̆ klei ruă tưp ăt msĕ hŏng phung ngă bruă mdrao mgŭn mkăp, bruă mdrao mgŭn nah gŭ.