VOV4.Êđê - Hruê 27/2, ênoh mnuih djŏ Covid-19 ti čar Gia Lai gưl tal êlâo êbeh 1.100 čô/hruê. Bruă sang čư̆ êa alŭ wăl brei hđeh sang hră gưl điêt leh anăn gưl sa ti ƀuôn prŏng Pleiku mdei êjai nao hriăm ti sang hră, lŏ wĭt hriăm online mơ̆ng hruê 28/2. Dua alŭ wăl mâo ênoh mnuih ruă lu hĭn hlăm hruê 27/2 jing ƀuôn prŏng Pleiku (356 čô) leh anăn kdriêk Đăk Đoa (198 čô).

Anôk bruă gĭt gai gang mkhư̆ Covid-19 čar Gia Lai bi mklă, ară anei, lu mnuih djŏ Covid-19 hlăm êpul êya ka thâo ôh phŭn mtưp, mâo leh klei bi knăl mnuih ƀuôn sang ngă ngơi mang, klei anei ênưih ngă bluh mâo klei ruă tưp. Kyua anăn, anôk bruă gĭt gai mtă kơ mnuih ƀuôn sang mđĭ nanao klei thâo răng ƀiădah đăm huĭ hyưt, rŭng răng ôh, ngă bi jăk dŭm hdră gang mkhư̆ klei ruă Covid-19.

H’Zawut pô mblang