VOV4.Êđê- Čar Lâm Đồng dôk tlă anăp hŏng klei ruă êngoh bi ƀlĕ êrah bluh mâo lu. Truh ară anei, Lâm Đồng mâo êbeh 2 êbâo čô ruă, đĭ êbeh 1.500 čô ruă mkă hŏng wưng anei thŭn êlâo. Alŭ wăl mŭt hlăm yan hjan, kyua anăn huĭ srăng bluh mâo lu mnuih ruă êngoh bi ƀlĕ êrah hlăm wưng ti anăp. Trịnh Văn Quyết, K’iăng khua knơ̆ng bruă mdrao mgŭn čar Lâm Đồng brei thâo, mbĭt hŏng bruă mtrŭt mđĭ hdră mtô mblang kơ mnuih ƀuôn sang hluê ngă kjăp hdră gang mkhư̆, anôk bruă mdrao mgŭn alŭ wăl ăt pŏk lu hdră gang mkhư̆ lehanăn dŏng mdrao.

Jih anôk bruă mdrao mgŭn ti alŭ ăl čih mkra leh hdră kčah klă klơ̆ng, mprăp mnơ̆ng dhơ̆ng, êa drao gŭn kăp mdrao mnuih ruă. Mbĭt anăn pŏk hdră msir čiăng čuăl krĭng lehanăn mkhư̆ klei ruă tưp lar./.

                                                    Pô mblang: H’Nêč Êñuôl