Hlăm mmông drông, k’iăng Khua knŭk kna Trần Hồng Hà lač klă, knŭk kna leh anăn mnuih ƀuôn sang Việt Nam dlăng yuôm bhăn bruă klam mơ̆ng WHO hlăm bruă gĭt gai, mkŏ tar rŏng lăn kơ bruă mdrao mgŭn, kriê dlăng klei suaih pral mnuih ƀuôn sang. Hlăm djăp mra bruă, hdră êlan kơ bruă mdrao mgŭn, kriê dlăng klei suaih pral ti Việt Nam mâo nanao klei hrăm mbĭt, đru kčĕ, klei đru mơ̆ng phung knuă druh, phung thơ̆ng kơ bruă WHO.

Mñă klă klei yuôm bhăn mơ̆ng bruă mdrao mgŭn hlăm bruă kriê dlăng klei suai pral, gang mkhư̆ klei ruă tưp mơ̆ng hnưm, mơ̆ng kbưi, k’iăng Khua knŭk kna Trần Hồng Hà lač klă, Việt Nam hmăng hmưi WHO lŏ dơ̆ng đru leh anăn bi kjăp bruă anei, bi klă klei čuăn, bruă klam, ai dưi, mnuih mă bruă.