VOV4.Êđê- Mơ̆ng akŏ thŭn truh kơ ară anei, čar Gia Lai mâo êbeh 6.400 čô hlăm 287 anôk mâo klei ruă êngoh bi blĕ êrah ti dŭm să, ƀuôn hgŭm, wăl krah leh anăn mâo leh 1 čô djiê. Hlăm mlan 9 mrâo anei, ênoh mnuih mâo klei ruă anei đĭ ktang, hŏng êbeh 2.400 čô. Dŭm alŭ wăl mâo lu mnuih ruă mrâo jing kdriêk Đăk Pơ, ƀuôn prŏng Pleiku, kdriêk Krông Pa…

Dŭm anôk bruă mdrao mgŭn ti čar Gia Lai đăo knăl leh boh sĭt klei ruă anei srăng đĭ ktang hlăm mlan 9 leh anăn mlan 10, jing wưng mđiă hjan pluă mbĭt srăng ngă klei găl kơ kêč ƀloh đĭ lar. Knơ̆ng bruă mdrao mgŭn gĭt gai leh dŭm anôk bruă kñăm hluê ngă dŭm hdră êlan ksiêm dlăng leh anăn mdrao mgŭn mơ̆ng nah gŭ.

Pô mblang: Y-Ƀel Êban