VOV4.Êđê - Hruê mbruê 22/4, bruă sang čư êa čar Dak Lak ba mdah leh hdră mtrŭn mjưh mdei klei ngă bruă sang êa drao jing êjai mrô 1 (ti Sang hră gưl krah dưh Dak Lak). Sang êa drao anei ngă bruă mơ̆ng akŏ mlan 8 thŭn 2021, hŏng hnơ̆ng 1000 jhưng đih.

Êjai ngă bruă, sang êa drao drông jum leh anăn mdrao kơ giăm 10. 000 čô mnuih mâo klei ruă tưp Covid-19. Hŏng klei bi klă mdei ngă bruă, bruă sang čư êa čar Dak Lak jao kơ êpul khua kiă kriê sang êa drao jing êjai mrô 1 bi mguôp hŏng knơ̆ng bruă mdrao mgŭn leh anăn dŭm anôk bruă djŏ tuôm bi leh hră mơar, mbĭt anăn ngă bruă bi doh, mdjiê kman, jao wĭt mnơ̆ng dhơ̆ng kơ sang hră gưl krah dưh Dak Lak, čiăng kơ anôk bruă lŏ ngă bruă klam pô.

Y-Ƀel pô mblang