VOV4.Êđê- Ară anei, Êpul bruă mdrao mgŭn dlông rŏng lăn WHO ăt dlăng Covid-19 jing klei ruă tưp prŏng leh anăn ăt rŭng răng kơ klei mâo thiăm dŭm mta kman  Sars –Cov-2. Ti Việt Nam, wăt tơdah mâo klei blŭ dlăng Covid-19 jing sa klei ruă msĕ si klei ruă mkăn ƀiădah hluê si phung thơ̆ng kơ bruă bi mklă, brei dlăng klei anei jing bruă mprăp kơ êdei anăp. Phŭn bruă mdrao mgŭn bi mklă, wưng ară anei ka djŏ mmông kčĕ kơ klei anei dưi tŭ yap ôh. Ti ala čar drei klei ruă tưp knŏng mrâo hlăk mâo klei bi knăl bi mlih plah wah wưng klei ruă tưp truh kơ wưng mâo klei ruă tưp, anăn ka dưi dlăng Covid-19 jing klei ruă msĕ si aguah tlam ôh. Phung thơ̆ng kơ bruă ăt brei thâo, Việt Nam brei lŏ dơ̆ng bi hgŭm tliêr kjăp hŏng Êpul bruă mdrao mgŭn dlông rŏng lăn ăt msĕ mơh dŭm êpul bruă lu ala čar leh anăn dŭm ala čar mkăn ktuê dlăng tliêr kjăp boh klei ruă Covid-19. Mơ̆ng anăn, dưi kčĕ hŏng Knŭk kna bi mklă dlăng klei ruă  Covid-19 jing klei ruă msĕ aguah tlam hlăm sa wưng djŏ guôp, leh anăn năn g ai 6 mlan knhal jih thŭn boh kklei srăng jăk hĭn kơh srăng ksiêm dlăng, amâo dưi phưi tha ôh bruă gang mkhư̆ klei ruă tưp.

Pô mblang: H’Zawut Ƀuôn Yă