VOV4.Êđê- Klei hưn mơ̆ng Knơ̆ng bruă Sang hră m’ar mtô bi hriăm čar Kon Tum hruê 2/3/2022 brei thâo, kluôm anôk bruă dôk mâo 3.078 čô hđeh lehanăn nai mtô jing F0. Klă klơ̆ng, hlăm ênoh anăn mâo 416 čô knuă druh, nai mtô, mnuih mă bruă lehanăn 2.662 čô hđeh jing F0. Hlăm anăn, hđeh gưl 2 mâo F0 lu êdi hŏng 1.302 čô hđeh, ƀiă hđeh djŏ hĭn jing gưl hđeh điêt mâo 256 čô.

Ară anei, khădah mâo 3.078 čô hđeh lehanăn nai mtô jing F0, ƀiădah păt čiăng jih anôk bruă mtô bi hriăm ti Kon Tum ăt hluê ngă hdră mtô bi hriăm klă anăp hŏng jih gưl hriăm, hlăm anăn ênoh phung hđeh nao hriăm klă anăp mâo 86%. Knŏng ƀiă dưi mtô bi hriăm hluê hdră online kñăm gang mkhư̆ klei ruă tưp. Boh sĭt brei ƀuh, hdră ksiêm dlăng, gang mkhư̆ klei ruă Covid 19 ti dŭm sang hră hlăm Kon Tum, boh nik ti krĭng mnuih djuê ƀiă adôk lu klei dleh dlan./.

                                                    Pô mblang: H’Nêč Êñuôl