VOV4.Êđê - Jing čar ênưih mâo klei ruă tưp čut kra ñŭ hriê, snăn hluê ngă klei ktrâo atăt mơ̆ng phŭn bruă mdrao mgŭn, Dhar bruă mdrao mgŭn čar Kontum mâo leh bruă ngă kơ klei gang mkhư̆. Čar Kontum mâo leh hdră êlan ksiêm dlăng kñăm pral dưi thâo ƀuh mnuih mâo klei ruă anei. Mbĭt hŏng anăn mghaih msir bi pral klei mkă dlăng, lehanăn mdrao mgŭn mnuih ruă, mkhư̆ gang krih êa drao mdjiê kman. Bi hŏng klei dôk đing mâo klei ruă anei, anôk bruă mdrao mgŭn pral mă mta mkă dlăng ba mơĭt kơ anôk bruă ksiêm duah kơ kman krĭng Lăn Dap Kngư tui duah, ksiêm dlăng čiăng pral mâo buh tŭ dưn. Aê mdrao truăn kơ bruă mdrao klei ruă tưp mrô 2 Đỗ Ngọc Hòa, k’iăng khua knơ̆ng bruă mdrao mgŭn čar Kontum lač, čar jing anôk ênưih ñŭ kma klei ruă tưp anei, snăn čar bi mâo hdră êlan gang mkhư̆ mtam kñăm ngă jăk djăp mta bruă mdrơ̆ng hŏng klei ruă tưp./.

Y-Khem pô mblang