VOV4.Êđê- Ti čar Kon Tum hlăm dŭm mlan êlâo, ênoh F0 nao mdrao mklin sa anôk truh dŭm êtuh čô snăn truh kơ dŭm hruê akŏ mlan pă hrŏ leh lu. Klei hưn mơ̆ng Knơ̆ng bruă mdrao mgŭn čar Kon Tum brei thâo: Ară anei ti alŭ wăl čar knŏng mâo 65 čô F0 dôk mdrao ti anôk bruă mdrao mgŭn. Mbĭt hŏng anăn, ênoh F0 mâo klei bi êdah kjham ăt hrŏ mơh.

Nai prĭn Aê mdrao chuyên khoa II Võ Văn Thanh, Khua knơ̆ng bruă mdrao mgŭn čar Kon Tum brei thâo: Mbĭt hŏng bruă kriê dlăng, dŏng mdrao kơ 3.500 čô F0 dôk bi ktlah ti sang, anôk bruă mdrao mgŭn čar ăt mâo hdră kčah kăp đru kčĕ, dŏng mdrao mnuih mâo klei truh amâo jăk leh hlao Covid 19. Mơ̆ng akŏ wưng bluh mâo klei ruă truh ară anei, anôk bruă mdrao mgŭn čar Kon Tum čih yap mâo hlăm brô 45.000 čô ruă COVID- 19. Hlăm anăn mâo êbeh 40.000 čô bi ktlah mdrao hlao ti sang./.

Pô mblang: H’Nêč Êñuôl