Aê mdrao Nguyễn Hữu Thâm, Khua adŭ bruă Hdră kčah kluôm Sang êa drao mdrao klei ruă ti Ală čar Kon Tum brei thâo, mơ̆ng akŏ mlan 9 truh kơ ară anei, kah knar grăp hruê mâo 20 čô ruă ală hrah nao ksiêm mkă dlăng, lu jing phung hđeh hriăm hră.

Hluê si klei mtă mơ̆ng anôk bruă mdrao mgŭn, čiăng gang mkhư̆ klei ruă ală hrah brei drei rao nanao kiê kngan hŏng kƀu, amâo sô̆ kngan ti ƀăng êgei, ală, ƀăng adŭng, amâo yua mnơ̆ng mbĭt, bi mdoh ală, êa ksŭng kŏng đŏk hŏng êa hra, êa djiêt ală, êa djiêt rao ƀăng adŭng, yua kƀu amâo dah dŭm mta êa bi mdjiê kman rao jih mnơ̆ng yua mnuih ruă, bi hrŏ klei bi tuôm hŏng mnuih ruă amâo dah mnuih đing djŏ klei ruă anei./.