VOV4.Êđê-  Čar Lâm Đồng dôk mđĭ hdră tlŏ vaccine Covid 19 wăt hlăm hruê mdei knhal jih hruê kăm lehanăn knăm m’ak mrâo êgao.  Ară anei, Lâm Đồng mâo êbeh 130 êbâo hnơ̆ng vaccine ka tlŏ. Kñăm mkhư̆ ênoh vaccine anei srăng jih wưng dưi ba yua, čar lâm Đồng mtă kơ anôk bruă mdrao mgŭn gĭt gai dŭm êpul djŏ tuôm mjêč tlŏ mgang kơ mnuih ƀuôn sang wăt hlăm hruê knhal jih hruê kăm lehanăn knăm m'ak leh êgao.Hlăm anăn, mđing tlŏ ênŭm kơ hđeh mơ̆ng 5 truh gŭ 12 thŭn, hnư, bi leh hdră tlŏ aruăt tal 3 kơ mnuih mơ̆ng 12 thŭn kơ dlông lehanăn aruăt tal 4 kơ mnuih mơ̆ng 18 thŭn kơ dlông…

Rơ̆ng hdră tlŏ vaccine Covid 19 srăng ngă leh êlâo kơ hruê 15/9 kơ anăp. Hluê Nguyễn Văn Bôn, k’iăng khua anôk bruă mdrao mgŭn kdriêk Đơn Dương (Lâm Đồng), lu mnuih amâo mđing kơ bruă ba hđeh nao tlŏ vaccine Covid-19, kyua anăn êpul dôk bi hgŭmhŏng bruă sang čư̆ êa alŭ wăl mkŏ mjing dŭm êpul nao mtô mblang, mtrŭt mnuih ƀuôn sang nao tlŏ mgang./.

                                                    Pô mblang: H’Nêč Êñuôl