VOV4.Êđê- Dhar bruă mdrao mgŭn čar Lâm Đồng hlăk dôk mkŏ mjing hdră tlŏ vaccine gang mkhư̆ klei ruă tưp Covid 19 kơ hđeh mơ̆ng 5 truh kgŭ 12 thŭn. Kluôm čar ară anei mâo leh êbeh 179 êbâo 600 čô hđeh mơ̆ng 11 truh 12 mâo tlŏ vaccine Moderna.

Ară anei, knơ̆ng bruă mdrao mgŭn čar Lâm Đồng hlăk mbha leh jih ênoh vaccine anei kơ dŭm êpul êya hlăm čar pioh kơ jih jang êpul êya anăn mkŏ mjing bruă tlŏ vaccine djŏ hŏng mta mtrŭn, lehanăn srăng bi leh bruă tlŏ mgang hlăm hrue 25/4. Aduôn Huỳnh Thị Phương Duyên, k’iăng khua knơ̆ng bruă mdrao mgŭn čar Lâm Đồng brei thâo, mbĭt hŏng klei mprăp êmiêt jăk gưl tlŏ mgang, djăp alŭ wăl hlăm čar lŏ dơ̆ng hâo hưn čiăng kơ phung ƀuôn sang mâo klei răng, lehanăn mđing uêñ kơ bruă tlŏ mgang./.

Pô mblang: Y-Khem Niê