Mít tinh gưl ala čar mđing truh kơ Hruê tar rŏng lăn gang mkhư̆ klei ruă khŏ ti čar Gia Lai
Thứ sáu, 10:46, 29/09/2023
VOV Tây Nguyên
VOV Tây Nguyên
VOV4.Êđê-Aguah 28/9, ti ƀuôn prŏng Pleiku, Knơ̆ng ksiêm dlăng kman klei ruă tưp gưl dlông bi hgŭm hŏng Anôk bruă sang čư̆ êa čar Gia Lai mkŏ mjing Knăm Mít tinh gưl ala čar mđing truh kơ Hruê tar rŏng lăn gang mkhư̆ klei ruă khŏ thŭn 2023 hŏng akŏ Sa klei suaih pral “All for One, One Health for all”.
Ti knăm anei, čiăng mđing truh kơ mta kñăm Việt Nam gĭr amâo lŏ dôk mnuih djiê kyua klei ruă khŏ hlăm thŭn 2030, čar Gia Lai ƀuăn hgŭm mbĭt hŏng kluôm ala, msưh kdŭn klei ruă khŏ hŏng dua hdră msir yuôm bhăn. Hŏng anôk bruă mdrao mgŭn mnơ̆ng rông, bi hgŭm hŏng bruă sang čư̆ êa alŭ wăl mđĭ hdră kriê dlăng asâo, miêu.
Hŏng anôk bruă mdrao mgŭn; rơ̆ng 100% ênoh mnuih asâo kĕ brei nao rao anôk êka djŏ so klei ktrâo lač lehanăn dưi tlŏ vaccine, huyết thanh gang mkhư̆ klei ruă khŏ djŏ si klei kčah mtrŭn. Ƀri gưl anei, bi ala phung khua kiă kriê dŭm Phŭn, dhar bruă gưl dlông, bi ala dŭm êpul bruă ala tač êngao, phung khua čar Gia Lai ƀuăn srăng hgŭm kngan gang mkhư̆ klei ruă khŏ./.
Viết bình luận