Hlue anăn, mnuih, hruê tlŏ mgang vaccin hlăm Klei tlŏ mgang pŏk mlar mâo:

 - Hđeh mrâo kkiêng: Tlŏ vaccin gang mkhư̆ klei ruă tiê mta B.

 - Hđeh ti gŭ sa thŭn: Tlŏ vaccin gang mkhư̆ klei ruă hnak, mnăm vaccin bOPV gang mkhư̆ klei êwiên êwu, tlŏ mgang vaccin gang mkhư̆ 5 mta klei ruă: klei ruă buôr čuh kô̆ kŏng đŏk, mtŭk ktang, bi hrut aruăt ariêng, klei ruă tiê mta B, klei ruă ksŏ, kei ruă hlăm dlô kyua kman Hib, tlŏ mgang klei ruă êwiên êwu, bi ƀlĕ čut.

- Mơ̆ng 1 truh 5 thŭn: Tlŏ mgang vaccin klei ruă hlăm dlô Japon B

- Mơ̆ng 18 truh 24 mkan: Tlŏ mgang ƀlĕ čut -Rubella, DPT mkhư̆ klei ruă buôr čuh kô̆ kŏng đok, mtŭk ktang, bi hrut aruăt ariêng.

 - Phung mniê ba tian tlŏ mgang klei bi hrut aruăt ariêng.

 Hlăm wưng kơ anăp, hruê mmông tlŏ mgang dŭn mta vaccin mkăn hlăm Hdră tlŏ mgang pŏk mlar mâo:

 - Hđeh ti gŭ amâodah êbeh 1 thŭn: Tlŏ mgang klei ruă êwiên êwu aruăt 2 (vaccin anei lŏ dơ̆ng amâo tĭng prăk ôh kơ hđeh mơ̆ng 9 mlan).

 - Hđeh 7 thŭn ti krĭng huĭ mâo klei ruă: Tlŏ mgang klei ruă buôr čuh kô̆ kŏng đŏk, bi hrut aruăt ariêng hlue si alŭ wăl akâo,

 - Hđeh ti gŭ 1 thŭn mmăn vaccin Rota.

Dŭm mta vaccin dưi dưm mơ̆ng tur knơ̆ng hưn mtă mơ̆ng Êpul bruă mdrao mgŭn dlông rŏng lăn, Êpul hgŭm kčĕ ba yua vaccin akâo kơ Phŭn bruă mdrao  mgŭn, boh klei ruă tưp dŭm mta ti Việt Nam.