Êpul nao čuă leh sang êa drao prŏng krĭng Lăn Dap Kngư, Sang êa drao Thiện Hạnh, lehanăn Anôk bruă ksiêm duah kơ klei ruă tưp čar Daklak. Bi ala kơ phung khua kiă kriê čar Daklak K’iăng khua bruă Đảng čar Y - Biêr Niê lač, ksiêm wĭt boh tŭ dưn jih jang bruă mơ̆ng phung nai aê mdrao ngă leh hlăm wưng mdrơ̆ng hŏng klei ruă tưp Covid 19 dưi dlăng kriê klei suaih pral mnuih ƀuôn sang.

Lehanăn čang hmăng kơ phung knuă druh nai aê mdrao lŏ dơ̆ng ktưn hĭn, mghaih msir djăp mta klei dleh dlan, mđĭ klei thâo hlăm bruă knuă pioh mdrao mgŭn mnuih ruă bi jăk hĭn. Djŏ tuôm hŏng klei kƀah êa drao, kdrăp mdrao mgŭn, jih jang klei anei phung khua kiă kriê ƀuăn srăng duah djăp hdră mghaih msir klei anei./.