VOV4.Êđê - Aguah hruê 10/3, Sang êa drao Tâm Anh brei thâo: Mta kháng thể đơn dòng Evusheld mơ̆ng AstraZeneca- kháng thể đơn dòng tal êlâo hlăm tar rŏng lăn čiăng gang mkhư̆ Covid 19 mâo leh Phŭn bruă mdrao mgŭn mkăp hră dưi ba yua ti Việt Nam. Sang êa drao anei srăng ba mta kháng thể đơn dòng Evusheld čiăng tlŏ kơ mnuih huĭ srăng djŏ klei ruă Covid 19 kjham.Klă klơ̆ng, mta kháng thể đơn dòng Evusheld mơ̆ng AstraZeneca srăng dưi tlŏ kơ mnuih mâo klei ruă hlăm tiê, boh ƀleh, kboh, aruăt ariêng, klei ruă mâo lu mta mmih hlăm asei mlei, ruă ksŏ kjham - COPD… Boh nik, mnuih mâo ai bi kdơ̆ng hŏng klei ruă awăt kyua HIV, dôk mdrao klei ruă brŭ... amâo dah dŭm klei ruă msĕ si lupus bi mƀlĕ hrah, ruă klang kleh, aruăt ariêng... Mdê hŏng vaccine, knŏng dŭm mmông leh tlŏ Evusheld, asei mlei mâo djăp leh ai ktang răng mgang asei mlei amâo djŏ  COVID-19 hŏng boh tŭ truh 83% lehanăn amâo mâo mnuih ruă ktrŏ amâo dah djiê hlăm 6 mlan dôk ksiêm dlăng, hluê si boh tŭ tui ksiêm mơ̆ng PROVENT - AstraZeneca.

H’Nêč pô mblang