VOV4.Êđê - Tui si klei hưn mdah mơ̆ng knơ̆ng bruă pla mjing lehanăn kriê dlăng ana kyâo mtâo čar Gia Lai, tĭng truh akŏ mlan 6/2021 mnơ̆ng ngă bi kô̆ hla kbâo lŏ dưi ƀuh lehanăn ngă klei hmăi lu ti kdriêk Ia Pa hŏng ênhă 393 ha. Đăo knăl hlăm hruê mmông ti anăp, klei mnơ̆ng ngă anei ăt srăng lŏ dơ̆ng lehanăn ngă klei hmăi kơ dŭm anôk pla kbâo kyua mâo leh kman dôk hlăm lăn mơ̆ng êlâo, lehanăn tuôm hŏng yan adiê mđiă ktang lehanăn hjan jing klei găl kơ kman anei bluh đĭ. Čiăng bi hrŏ klei mnơ̆ng ngă anei hlăm ênhă prŏng, ngă klei hmăi amâo jăk ti anôk mkra mjing sĭk hlăm čar, knơ̆ng bruă lŏ hma lehanăn mđĭ kyar krĭng ƀuôn sang mâo leh klei mtă kơ bruă sang čư̆ êa dŭm alŭ wăl lehanăn dŭm anôk bruă srăng mjêč ngă bruă hâo hưn, mtô lač kơ mnuih ƀuôn sang pla kbâo thâo săng klă klei hyưt, klei hmăi mơ̆ng klei mnơ̆ng ngă bi kô̆ hla kbâo lehanăn mkŏ mjing hrăm mbĭt dŭm hdră êlan gang mkhư̆, bi hrŏ mơ̆ng anôk bruă thơ̆ng kơ bruă bi êdah./.

Y Khem pô mblang