VOV4.Êđê - Leh êbeh 1 mlan ƀuh, truh ară anei klei ruă bŏk ti klĭt hlăm êmô kbao ti čar Kon Tum tưp lar lu anôk. Kluôm čar mâo 308 gŏ êsei rông mnơ̆ng ti 76 alŭ, ƀuôn hlăm 31 să, hlăm 7/10 kdriêk, ƀuôn prŏng mâo êbeh 4 êtuh drei êmô, kbao mâo klei ruă. Ti anăp klei ruă tưp lar pral, mâo 2 kdriêk Ngọc Hồi leh anăn Đăk Hà hưn mdah klei ruă leh anăn pŏk ngă hdră gang mkhư̆ klei ruă tưp tui si klei kčah mtrŭn.

Čiăng bi hrŏ klei luič liê kơ bruă duh mkra kơ phung rông êmô, kbao mâo klei ruă bŏk hlăm klĭt, bruă rông mnơ̆ng leh anăn mdrao mgŭn čar Kon Tum mkhư̆ bruă ba ču dơr, kƀĭn hlăm bruă mdrao mgŭn, tlŏ vaccin gang mkhư̆ klei ruă tưp. Truh ară anei kluôm čar mrâo mâo 10 drei êmô mâo klei ruă nao čuh dơr, ênoh kriê dlăng dưi hlao mâo 48 drei leh anăn êbeh 370 drei adôk hlăk lŏ dơ̆ng kriê dlăng.

H Zawut pô mblang