VOV4.Êđê - Ti čar Kon Tum, klei ruă bi bŏk gŭ klĭt êmô, kbao dôk đi lar pral. Hruê 17/6, Đăk hà, sa hlăm 6 kdriêk, ƀuôn prŏng mơ̆ng čar Kon Tum mâo êmô, kbao ruă mâo leh Klei bi mklă hưn mthâo bluh mâo klei ruă bŏk ti gŭ klĭt êmô, kbao ti alŭ wăl 2 să Đăk La lehanăn Ngok Wang.

Hlăm wưng mâo klei ruă, mdei êjai hdră dŭ mdiăng, čhĭ êmô, kbao, mnơ̆ng rông huĭ srăng tưp mâo klei ruă anei lehanăn dŭm mta mnơ̆ng mkra mơ̆ng čĭm êmô, kbao kbiă mơ̆ng krĭng mâo klei ruă tưp. Hŏng alŭ wăl ka mâo klei ruă, brei mđĭ hdră gang mkhư̆, ksiêm dlăng kjăp klei mâo čiăng pral msir mghaih tơdah mâo klei ruă. Klei hưn mơ̆ng Anôk bruă lŏ hma kdriêk Đăk Hà brei thâo, tĭng mơ̆ng hruê 10 truh kơ hruê 15/6, ti alŭ wăl kdriêk mâo leh 18 anôk bluh mâo klei ruă bi bŏk gŭ klĭt êmô, kbao hlăm 7 alŭ mơ̆ng 2 să Đăk La lehanăn Ngok Wang hŏng 22 drei êmô ruă. Klei ruă tưp dưi tĭng knăl srăng lŏ bluh mâo dleh dưi ksiêm dlăng lehanăn huĭ srăng tưp lar ti lu anôk./.

H Nêč pô mblang