VOV4.Êđê - /Ară anei, êpul kbao, êmô ti čar Kon Tum mâo êbeh 100 êbâo drei, hlăm brô 50% ênoh anăn mâo mnuih ƀuôn sang djuê ana ƀiă rông phưi tha kyua anăn bru ksieme dlăng klei ruă tưp lehanăn pŏk hdră tlŏ mgang vaccine tuôm hŏng lu klei dleh dlan. Ti anăp boh klei mâo dŭm alŭ wăl bluh mâo klei ruă kplač ƀăng êgei êluôč kčuôp, klei ruă bŏk ti klĭt hlăm êpul êmô, kbao, anôk bruă sang čư̆ êa dŭm čar gĭt gai leh anôk bruă lŏ hma mđĭ kyar krĭng ƀuôn sang hrăm mbĭt hŏng alŭ wăl mđĭ hdră gang mkhư̆ kơ mnơ̆ng rông. Mbĭt hŏng bruă mtrŭt mđĭ klei hâo hưn, mđĭ klei thâo săng kơ mnuih ƀuôn sang hlăm bruă rông mnơ̆ng doh, Anôk bruă sang čư̆ êa čar gĭt gai dŭm alŭ wăl lŏ dơ̆ng ksiêm dlăng, ksiêm yap êpul êmô, kbao, hluê ngă hdră msir mghaih, čuăl krĭng ti dŭm anôk bluh maoa klei ruă mbĭt anăn pŏk hdră tlŏ mgang vaccine kơ êmô, kbao./.

H Nêč pô mblang