VOV4.Êđê - Bruă sang čư̆ êa lehanăn bruă lŏ hma Kontum jih ai tiê mtam hlăm bruă mdrơ̆ng hŏng klei kƀah êa kơ mnơ̆ng pla mjing. Ti să knông lăn Rờ Kơi, kdriêk Sa Thầy, čar Kontum mâo 70 ha mdiê lŏ yăn puih mnga mbĭt hŏng êbeh 2 êbâo ha ana mnơ̆ng pla sui thŭn. Čiăng dưi mâo djăp êa krih kơ mnơ̆ng pla anei, 9 să mâo knơ̆ng kdơ̆ng êa.

Bruă sang čư̆ êa să mkŏ mjing leh 8 êpul kiă kriê bruă mbha êa ti dŭm knơ̆ng kdơ̆ng êa pioh yua êa hŏng klei mkiêt mkriêm. Kluôm čar Kontum ară anei mâo 178 knơ̆ng kdơ̆ng êa rơ̆ng mâo djăp êa krih mđoh kơ giăm 11 êbâo ha mnơ̆ng pla mjing lu jing lŏ lehanăn ana pla sui thŭn. Truh akŏ mlan 3 leh êgao jih jang dŭm knơ̆ng kdơ̆ng êa anei ăt adôk djăp êa krih mđoh. Ƀiădah hlăm yan bhang không anei adôk kmô truh akŏ mlan 4 snăn klei kƀah êa srăng tuôm hŏng 1 êbâo ha mnơ̆ng pla ti dŭm kdriêk Sa Thầy, Đăk Hà, Kon braih, lehanăn ƀuôn prŏng Kontum./.

Y-Khem pô mblang