VOV4.Êđê- Tui si anôk bruă kiă kriê klei pla mjing lehanăn răng mgang mnơ̆ng pla mjing Kontum, klei mnơ̆ng ngă tŭl hla hbei ƀlang mâo leh ti 4 kdriêk, ƀuôn prŏng hlăm čar mâo: Đăk Tô; Ngọc Hồi, Sa Thầy lehanăn ƀuôn prŏng Kontum hŏng ênhă êbeh 210 ha đang hbei ƀlang. Anei jing đang hbei ƀlang pla mơ̆ng hlăk mlan 9 thŭn dih, anôk pla mklăk yan, lehanăn mĭn srăng buč hlăm mlan 9 thŭn anei. Mâo klei mnơ̆ng ngă anei đing jing mâo mnơ̆ng gam leh hlăm kdrêč mjeh hbei pla mnuih pla mjing duah blei hlăm anôk čhĭ mnia.

Đoàn Năng Rường, k’iăng khua anôk bruă pla mjing lehanăn răng mgang mnơ̆ng pla mjing čar Kontum brei thâo, bruă lŏ hma alŭ wăl hlăk jih ai tiê gang mkhư̆ klei mnơ̆ng ngă anei, gĭt gai lehanăn ktrâo atăt leh djăp alŭ wăl gang mkhư̆ klei mnơ̆ng ngă. Đru phung pla mjing mâo truh 70% klei mnơ̆ng ngă brei hlŏng buč hwiê ana hbei ƀlang, lehanăn mlih pla mnơ̆ng mkăn. Bi ênhă mâo 30% klei mnơ̆ng ngă brei buč hwiê dŭm ana mnơ̆ng ngă lehană pla pluă mnơ̆ng mkăn./.

Pô mblang: Y-Khem Niê