Ară anei, čar Dak Lak mâo 78/151 să krĭng ƀuôn sang mrâo, 5 să krĭng ƀuôn sang mrâo mđĭ hnơ̆ng, 1 anôk bruă gưl kdriêk, ƀuôn prŏng (Ƀuôn Ama Thuôt) bi leh bruă klam mkŏ mkra krĭng ƀuôn sang mrâo. Mta kñăm truh jih thŭn 2025, Dak Lak mâo 100/151 să, 4 anôk bruă gưl kdriêk mâo ênŭm hnơ̆ng čuăn krĭng ƀuôn sang mrâo…

Čnăng bi leh mta kñăm mâo 100 să krĭng ƀuôn sang mrâo hlăm thŭn 2025, Dak Lak lŏ dơ̆ng mđĭ hĭn klei thâo săng, bruă klam mơ̆ng gưl bruă Đảng nah gŭ, bruă sang čư̆ êa dŭm gưl leh anăn bruă kđi čar hlăm bruă mkŏ mkra krĭng ƀuôn sang mrâo, mđĭ hnơ̆ng tŭ jăk hdră bi ktưn “Dak Lak hrăm mbĭt mkŏ mra krĭng ƀuôn sang mrâo” wưng thŭn 2021 – 2025, lŏ dơ̆ng ksiêm duah, bi klă, bi djăp ênŭm hdră êlan đru mkŏ mkra krĭng ƀuôn sang mrâo, hmao ruh mgaih klei dleh dlan, kpăk gun, mtrŭt bi hmar klei ngă bruă, boh tŭ dưn mơ̆ng hdră.