VOV4.Êđê - Leh 13 thŭn tui ngă hdră mtrŭn mrô 26-NQ/TW lehanăn hdră mtrŭn mrô 899 mơ̆ng khua knŭk kna kơ bruă bi mklă hdră mkăp kơ bruă lŏ hma, knơ̆ng bruă lŏ hma čar Lâm Đồng mâo leh klei mlih êdah êdi, mâo klei đĭ kyar lu hĭn mkă hŏng klei đĭ kyar kah knar hlăm ala čar. Hlăm čar dưi bi mlih leh hlăm brô 125 êbâo ha pla mjing ana boh kroh dŭm mta, klei bi hmô pla mjing, pla pluă dưi tŭ jing lehanăn mâo boh tŭ dưn hlăm bruă duh mkra. Truh kơ ară anei, mâo leh 60% ênhă kphê yua leh mta ana kphê grep amâo dah mă mơ̆ng dŭm mjeh mâo hnơ̆ng jăk, mâo hlăm brô 70% ênhă pla mjing ana boh kroh mâo hnơ̆ng jăk. Ana djam mtam, boh mnga ƀrư̆ hruê ƀrư̆ mâo lu mta hŏng hnơ̆ng jăk, djŏ hŏng klei čiăng anôk mnia mblei. Mkŏ mjing anôk pla mjing kñăm kơ ana sui thŭn, ana ƀơ̆ng boh, djam mtam hŏng ênhă prŏng, djăp klei čiăng hlăm anôk mka mjing lehanăn mnia mblei.

Y Ƀel pô mblang