VOV4.Êđê - Čiăng mđĭ kyar bruă lŏ hma doh, êngao kơ dŭm hdră msir đru kơ mjeh, hdră mnêč, mkŏ mjing gru hmô phŭn, Lâm Đồng lŏ đru dŭm anôk mkra mjing boh mnga lŏ hma doh prăk bi liê kơ klei mtrŭt mjhar mnia blei. Hluê anăn, Prăk knŭk kna đru 50% ênoh bi liê hluê ngă hdră mkŏ mjing anăn knăl mnơ̆ng dhơ̆ng mơ̆ng gru hmô lŏ hma doh leh anăn hnơ̆ng đru jih hnơ̆ng amâo êbeh 25 êklăk prăk/sa anôk bruă. Êngao anăn, ăt đru 50% prăk čiăng kơ anôk bruă mnia blei, phung nao hlăm klei rang mdah hlăm ala čar, mâo prăk dŭ mdiăng mnơ̆ng dhơ̆ng, mưn knưng rang mdah leh anăn hnơ̆ng đru jih hnơ̆ng amâo êbeh 25 êklăk prăk kơ gưl nao hgŭm hlăm 1 thŭn. Hŏng klei đru anei srăng đru kơ dŭm anôk bruă gĭr mkŏ mjing anăn knăl mnơ̆ng dhơ̆ng, hưn mdah mnơ̆ng dhơ̆ng, mơ̆ng anăn mjing klei găl dưi ba čhĭ mnơ̆ng dhơ̆ng, bi mklă anăn knăl leh anăn mđĭ ênoh bi ktưn kơ boh mnga lŏ hma doh Lâm Đồng.

H Zawut pô mblang